നിന്റെ പ്രണയത്തിന് കർപ്പൂരത്തിന്റെ മണമാണ്...
ഞാനറിയാതെ വന്ന്
നീയെന്റെ സ്വപ്നങ്ങളെ
കവർന്നെടുക്കുന്നു
എന്റെയുറക്കത്തെ ഉണർത്താതെ
ഉമ്മകൾ കൊണ്ടെന്നെ
പൊതിഞ്ഞു പിടിക്കുന്നു
രാവ് തീരുന്നതറിയാതെ
എന്റെ കിനാവുകളിൽ
പ്രണയം വിതറുന്നു
മടങ്ങിപ്പോവാൻ നേരം
ഞാനറിയാതെന്റെ മിഴികളിൽ
നക്ഷത്രങ്ങളെ ഒളിപ്പിക്കുന്നു..
പുലരിയിലേക്ക് ഞാനുണരുമ്പോൾ
മുടിയിഴകൾക്ക് കർപ്പൂരത്തിന്റെ മണം..!!!!
No comments:
Post a Comment