Monday 22 August 2016

 ഇനി തനിച്ച്..!!
**************

പ്രണയം പെയ്തു തോർന്നിട്ടും
പൊഴിയാൻ മറന്ന്
കൺകോണിലൊരു
മിഴിനീർക്കണം..
നീയകന്നിട്ടും
നിന്നിൽ നിന്നെന്നെ അകറ്റാതെ
ഓർമകൾ
നിറഞ്ഞു പെയ്യുകയാണുള്ളിൽ..
കാത്തിരിക്കുമെന്ന്
നീ കരുതുന്നുവോ...
ഇല്ല..
യാത്ര തുടരുകയാണ്..
കൈ പിടിച്ച് ഒരുമിച്ച് നടക്കാമെന്ന്
നീ പറഞ്ഞ വഴികളിലൂടെ..
തനിച്ച്..
അതേ.. തനിച്ച് നടക്കാൻ
തുടങ്ങുകയാണ് ഞാൻ...
കാലിടറിയാൽ താങ്ങാൻ
ഇനി നീയില്ലെന്നതിനാൽ
ഇടറാതെ നടക്കാനും
ശീലിക്കേണ്ടിയിക്കുന്നു...
പൊഴിയാൻ മറന്നയാ
മിഴിനീർക്കണത്തെ
ഹൃദയത്തിൽ
ചേർത്തു വെച്ചിട്ടുണ്ട്..
തളർന്നുവെന്ന് തോന്നുമ്പോൾ
പൂർത്തിയാക്കേണ്ട
സ്വപ്നങ്ങളുടെ
ഓർമപ്പെടുത്തലിനായി...
അരികിലില്ലെങ്കിലും
നീയുണ്ട് കൂടെയെന്നൊരു
വിശ്വാസത്തിനായ്...

No comments:

Post a Comment

വിരസവും വിജനവുമായൊരു യാത്രയ്ക്കിടയിൽ  ആളെത്തിന്നാൻ പട്ടണത്തിനടുത്തുള്ളയാ  നാൽക്കവല സ്റ്റോപ്പിൽ  ഞാൻ കയറിയ ബസ്  അൽപനേരം നിർത്തിയിടുകയുണ്ടായി...