അമ്മത്തണലുണ്ടായിട്ടും 
വീടുകളിൽ നിന്ന് 
അറിവിന്റെ 
അക്ഷരമുറ്റങ്ങളിൽ നിന്ന് 
അത്താഴപ്പഷ്ണി മാറ്റാൻ 
രാപ്പകലില്ലാതെ
അദ്ധ്വാനിക്കുന്നിടങ്ങളിൽ നിന്ന്
സ്വന്തമെന്ന് കരുതിയ
നാട്ടുവഴികളിൽ നിന്ന്
കൂട്ടുകാരിൽ നിന്ന്
പ്രണയത്തിൽ നിന്ന്
പതിയിൽ നിന്ന്
പെണ്ണിന് നീതി കിട്ടേണ്ടയിടങ്ങൾ
നാൾക്കുനാൾ പെരുകുകയാണ്
പത്രങ്ങളിലും
സോഷ്യൽ മീഡിയകളിലും
കുറ്റപ്പെടുത്തലുകൾ
പ്രതിഷേധങ്ങൾ
സമര പ്രഖ്യാപനങ്ങൾ..
അതിനിടയിൽ
അറിയാതെ പോകുന്നയൊന്നിനെ
കുറിച്ച് ചോദിക്കട്ടെ..;
അവൾക്ക് നീതിയെന്ന പേരിൽ
തുറന്നെഴുത്തുകളിൽ ഭോഗിക്കപ്പെടുന്ന ,
പെണ്ണുടലുകൾക്ക്
ആരിൽ നിന്ന്
എവിടുന്നാണ് നീതി ലഭിക്കുക..???